好耐無返黎，其實係搬了屋。請移你的肥肉到http://hk.myblog.yahoo.com/a_laylay/

yeah!

有一首歌是這樣唱的。「聖誕夜讓人明白你的真理，聖誕夜充滿福氣‧‧‧」

好快，人們喜歡的聖誕節快來了。為什麼要講人們呢？我不是不喜歡，只是不好。

回想年年的聖誕節，都是返永光進行聖誕盛讚，這也是最期待的；雖然大禮堂冷氣好凍，但我的心卻是很溫暖，因為可以重思聖誕夜的由來。

其他活動呢‧‧‧我真的一點也不好。可能年紀大了，心境也不同。玩又玩得幾多，食又食得多少。就算是佈佳音，也懶得要命。

自己明白到要使其他人知道上帝正在人們當中，但‧‧‧我都係無藥醫啦。希望上帝叫我對人們有更多的盼望，不要顧步自封就好了。

 

過去幾個月過著不大忙碌的生活。

不過有少少唔開心，原因有些少覺得做事奉做的唔好。又當組有事發生卻想著「少做少錯」的心態。在此向受影響之人物講「對不起」。

「希望自己能多結果子，不要只收恩典。阿門。」

 

有成兩個月無寫blog，究竟我這兩個月做過咩呢？

一如以往，食飯，訓覺，打波，拍拖，返教會！仲有咩做過呢‧‧‧

 

中秋節都仲係廿幾度，係唔係上帝就黎返黎，定係其實成個世界都因為時間而慢慢進化，改變‧‧‧我自己仲係停留在以前的世界呢！

 

看見很多少年人，回想自己在他們的年齡時只顧學業成績，又或者係做一個波牛。依家他們往往係諗做什麼都唔可以悶，一定要好玩。行事為人講感覺，有無feel！做每樣事不理後果，做了才去收拾。個腦如果日日都係咁等如沒用過一樣。唉‧‧‧願主引領。

自己無諗過要樣樣事都要做一等一的那一班人，但社會就是要那一班人才可能有一些優質少少的生活。要唔要再進修，都成三十歲人，仲要同後生仔去競爭‧‧‧只想安份守己。又唔想停留；點樣養家，仔女‧‧‧

人生就是要不斷諗這些問題；我們作為一個基督徒，要的只在這些問題上作一個平衡。愛情也是，弟兄姊妹相交也是，工作亦一樣。

 

「主啊！好想學習怎樣才能平衡自己，願你教導。」

 

 

 

 

一行九人到港島南灣游水和晒太陽！不過我們養了一年多的小寵物「貝貝」在昨天出走了。

我們好不容易將它吹起，送到海面上一齊玩，點知牠一早就已經有離心。昨天海面真的有點兒大風，我地試過追佢好幾次，但最終要走的始終都要走‧‧‧某君因一時的失腳或浸親(真實的原因仍未明，可能佢一早已經知道佢想離開我地)，將牠放開手，事就這樣成了‧‧‧岸邊的人又要掛住照顧將要浸親的弟兄，所以就更加沒有追牠回來。眼白白見佢飄開(弟兄姊妹仲傻笑)，在浮台的我見牠飄到差不多近浮台後，一心諗住去追佢，不過最後都係唔夠那些風吹得快，miss catch了！眼白白跟了我們一年多的牠就這樣飄到大海中‧‧‧好彩都有在外面的遊艇將牠攞起‧‧‧希望佢跟了新主人就過新的生活，肥肥白白過日子。

我記得有一次剛開電視見到discovery channel做緊一個節目，佢講動物生命將盡時會去到一個無有人發現佢的地方，慢慢等死‧‧‧「貝貝」！你係唔係為了我們，不想我們見你離去而傷心‧‧‧唉‧‧‧都係我地唔好！沒有給飽飯你食！沒有冷氣房你嘆！算啦，不如諗吓我地之後再養咩仲好！哈！

 

p.s.我唔養野都得(因為我識游水)，但眼見一班不懂游水的弟兄姊妹當沒有「貝貝」陪伴時，心寧極度空虛的樣子，我諗都不斷有更多的動物將會犧牲！

 

「耶穌，原來我地無為佢祈禱，哈哈哈‧‧‧」

足足有廿年沒有去過海洋公園，去之前都有些緊張！緊張的是我好怕坐那裡的吊車（因為有童年陰影），不過點都好，我真係好想去睇熊貓同海豚。

那天訓到勁遲先起身，一行二人到金鍾坐車入去。果然做旅客生意的確幾好賺，要坐城巴入去要成十蚊！不過入場費又唔係好貴，都係百多元，總好過迪士尼的勁貴收費又無野玩。

第一次在大樹灣那邊入口入場，都幾新鮮，又望到大海，感覺幾好。一望就望到集古村要裝修‧‧‧唔緊，因為都無咩興趣！

搭電梯上去機動遊戲的根據地。去了好涼的海濤館、用勁多鏡假裝好大的水毋館、仲有就係睇了勁多自遊行睇的海洋劇場，勁好睇！不過因為實在太過多人排隊玩機動遊戲，所以都係無去玩。但我地已經好滿足，因為我地可以探一探我地的同類，企鵝同海獅！（邊個係邊隻大家去諗一諗啦）

最緊張的時刻來臨了！排了一句鐘隊先搭到纜車落山，我們跟一對外籍男女坐在一起，佢地不斷用食緊的ｎｕｔｓ射對面上山的纜車，我都唔明白有咩作用！無野攞野黎玩，勁無聊又浪費。
看了動感影院，不過比迪士尼差少少，但好「地度」！一心要去熊貓家探一探佢地，點知收工！我地唔理偷偷走入去，不過佢地（安安和佳佳）都夠鐘訓覺，都無走出黎打個招呼，好啦放過你地！再行吓恐龍館就走人，因為實在累得太緊要，而且明天是起程離開鬼地方的好日子，要有好好的精神先得！

海南，我來也！